EN ONDAS

Les mardis à 18h et les dimanches à 17h




image En_Ondas.png (0.4MB)


En Ondas setm. 26 (2) Miquèu Baris

01/07/2021 - Durée : 00:44:57

« Viatjar d’aise dab Miquèu Baris »
L'Izi Travel de Miquèu Baris.
Encontrat a Baiona, on s’a plan volut desplaçar e que le n’arremercii, Miquèu Baris per devisar agradivament d’itineraris de viatge de seguir dinc au cap deu monde ! De qué ns’aprestar vacanças passionantas : a pè, en bicicleta o en autò... en essajar de nse virar de la horrèra.

Per contactar a Miquèu Baris : mailto:barismic.oc@gmail.com

Lo detzenat (peu moment) de Miquèu Baris
https://izi.travel/fr/0f6e-institut-d-estudis-occitans-institut-d-etudes-occitanes-ieo/fr

Los de Joan Jacme Dubreuil
Mamisan 1 : https://izi.travel/fr/3a48-nature-et-patrimoine-pres-mimizan-natura-e-patrimoni-au-ras-de-mamisan/fr
Mamisan 2 : https://izi.travel/fr/8184-tour-du-lac-d-aureilhan-mimizan-permenada-de-la-laca-d-aurelhan-mamisan/fr

En Ondas extra setm. 26 (1) Michel Rodes

01/07/2021 - Durée : 00:44:57

Emission de fin de sason - 1èra de 2 a paréisher aquesta setmana - ua especiau e qu’ei en fòrma de compte rendut informatiu sus tres dossièrs recents pertocant aiga viva e zònas umidas, saligars e bartas :
- La legalitat en question de la microcentrala d’Autarriba suu Gave d'Auloron dab un istoric e ua enquista passionanta sus ua falsificacion qui dura...
- Lo dossièr, non tractat d’aquesta passa, de la pesca a las engibanas en l’Ador fluviau ;
- Lo projècte de gravèra de Daniel-DPL a Cassabè.
Qu’ei tanben question dens l’emission de la RN 134 en Vath d’Aspa e deu camion de clorita de sòdium cadut tà hens lo gave en aost de 2018, de la via de camin de hèr Pau-Canfranc, deu Pont deu contornar de Bainac (e Casenac = Beynac et Cazenac) e de la deviacion de Bordelha en Dordonha, deu barratge de Caussada deu projècte de mega descarga de Revenac.
Partatgem l’informacion lo mei possible pr’amor qu’ei en estar informats corrèctament que lo monde qui èm non se’n deisharàn condar tant !

En Ondas setm. 25 Daidièr Mir

21/06/2021 - Durée : 00:44:57

Daidièr Mir qu'ei l'artista multimèdia montaubanés qui ns'acompanha aquesta setmana dens En Ondas. Que camina, singular, inspirat a bèths còps, per praticas deu dessenh de mainat, tèxte, conte, en s'exprimir per l'aquarèla, l'escultura, la pintrura a l'òli, lo pegatge, la fotografia e lo monotip qui n'ei lhèu l'expression mei subtila... Que devira un hiu on l'azard e tien un ròtle important dens los ressòrts de la creacion. La lenga, las lengas - las romanas màgerment - e la lenga occitana reconquistada en especiau, l'escriut, la letra que son inscriuts intimament en çò que crèa. L'òbra soa qu'ei enlusernada per la de Joan Bodon [1920-1975]. Òbra-monde que'vs convidam a descobrir.
https://www.edite-moi.fr/?product=cartografia-dun-somi-cartographie-dun-songe
Cartografia d'un sòmi = cartographie d'un songe 20 euros l'album sol, 45 euros dab un monotip de Daidièr Mir.
Per contactà'u e lo parlar de l'album mailto:didiermir@gmail.com

En Ondas setm. 24 B. Boyrie-Fenie e J.-J. Fenie

14/06/2021 - Durée : 00:44:57

Au somari :
1.- Aviada deu Congrès transfronterèr Linguatec per l'intelligéncia artificiau e arrevirada automatica atau com sintèsi vocau. Estat d'un apogèu perpausat peu Congrès permanent per la lenga occitana, lo 17 de junh sus YouTube e FaceBook.

2.- Lo digest de las Lanas Les Landes en 101 dates qu’ei un "must have" signat Benedicta e Joan-Jacme Fenié. Que’n disen eths : Benedicta : „Amassas que hèm un tot” e Joan-Jacme de cotria : "Qu’ei un libe de dus cervèths e quate mans”.

En Ondas setm. 23 B. Boyrie-Fenie e J.-J. Fenie

07/06/2021 - Durée : 00:44:57

Las "substantificas" Lanas taus com las nse hèn visitar aqueths scientifics.
Duas edicions d’En Ondas que’s consacran au tribalh important e de qualitat miat peus dus cercaires que son Benedicta Boyrie-Fenie, doctora en geografia istorica e Joan-Jacme Fenie, agregat de geografia.
Qu’an ua pagina sus la wikipedia en francés : https://fr.wikipedia.org/wiki/Bénédicte_et_Jean-Jacques_Fénié, qui non demanda qu'a aver la soa pariona en occitan !

"Les Landes en 101 dates" (http://www.gesteditions.com/) per FÉNIÉ Jean-Jacques & BOYRIE-FÉNIÉ Bénédicte, 2021, edicion brocada.
L'incontornable com l'inatendut de las Lanas mirgalhadas que's sabora dab l'obratge. De descobrir tot viste !

En Ondas setm. 22 Felix Noblia 2/2

31/05/2021 - Durée : 00:44:57

Felix Noblia que demora a Vergüei e Vièlanava. Qu’ei lo maire d’aqueth vilatge charnègo, ce tà díser basco mesclat de bearnés ... o lo contra meilèu mei seriosament. Felix que compren ce m’a dit e lo gascon e lo basco mes non parla ni l’un, ni l’aute.

En aquesta dusau partida deu reportatge que devisam màgerment de las angus (aquestas que son d'ua magnifica rauba de seda roja), neuridas a l'èrba en pastencs viraires, eslhevatge de buèus vertuós en biò. Quau carn e minjam ? La question qu'ei aquesta ! Que seram en biò E dab tropèths pr'amor qu'ei atau qui a de's passar ce ns'indica. Lavetz de temps en quan que minjam carn ce nse ditz Felix Noblia despuish duas emissions. Istòria d'ua conversion e de 10 ans per constituir un tropèth neurit a l'èrba e dab enrubanat beròi (que passèm devant e Felix que n'èra subèr fièr).

Felix Noblia : bòrdas Larrous (L’arrós = Le Roux) a Vergüei e Vièlanava..
Per Comandar Annabelle 06 18 15 84 17.

En Ondas setm. 21 Felix Noblia

24/05/2021 - Durée : 00:44:57

Aquesta emission que serà en francés màgerment : lo nivèu de lenga en occitan com en euskara de l’interlocutor extraordinari qui ei dab nosauts uei, estant egau : comprension mes pas locucion. Que s’apèra Felix Noblia e que’s prèsta a l’exercici de la transmission regularament, guide sus las soas tèrras. Que’vs convidam a un "tralh" (avore raportat Arnaudin) hens lo casau e per los camps de Felix a escotar idratà’s culturas, bèstias, òmis e hemnas. Qu’ei camas longas Felix b’ac cau díser. E solide que plau ! Qu’èm en país Charnègo on se practicava la mesclanha culturau sauvadora plan mei abans l’invencion deu concèpte deu Melting pot. E non tot non sorteish pas d’America (deu nòrd). Que nse trobam a Berguei Vièlanava, aqueth 21 de mai calamitós e shens que per’mor deu temps.

En Ondas setm. 20 (2) Elisa Harrer

17/05/2021 - Durée : 00:44:57

Elisa Harrer per "Diccionari occitan-gascon, Gasconha", en tres tòmes dab Patric Guilhemjoan e "Refugis = Refuges", los dus en çò de Per Noste en 2021 e 2020.

En Ondas setm. 20 Que guaiten los espaurugalhs !

10/05/2021 - Durée : 00:11:57

Despuish abriu que serà lo tresau subjècte que’vs perpausi sus l’ipotetica gravèra de Daniel DPL a Cassabè (Bearn de capvath enter Salias e Sòrda).
Non pensavi pas briga har arren aqueste còp, estant vertadèrament dehens. Que vs’expliqui d’on parli per lo reportatge aqueth, atau que serà clar...

En Ondas set. 19 (2) Patric Guilhemjoan Diccionari occitan francés (Gasconha)

10/05/2021 - Durée : 00:44:57

Patric Guilhemjoan que ns’ac ditz tot deu "Diccionari occitan francés (Gasconha)". Tres tòmes preciós en mei de dus mila paginas que sòrt de paréisher en çò de Per Noste https://pernoste.com.
2020 e 2021 que son annadas fastas per la publicacion de diccionaris de lenga. En 2020 qu’espelí l’edicion tornar deu "Dictionnaire du béarnais et du gascon modernes" de Simin Palay en la grafia d’origina en çò de Reclams edicions. Qu’aprofieitam aquesta entervista per conéisher Patric Guilhemjoan un drin mei en avant.

La setmana prosmana, encontre dab Elisa Harrer qui ei tanben autora deu present diccionari e d’autes libes parièr ! Tots los perlongaments suu blog https://hadiu.eu.

En Ondas set. 19 (1) Especiau Tòques pas au Gave ! dab Carolina Dufaur

10/05/2021 - Durée : 00:11:02

Encontrada a la caminada entau climat a Salias lo 9 de mai, Carolina Dufaur que parla deu ressentit deu monde de l’arribèra, enter Saleis e Gave d’Auloron au moment quan lo grope LD Daniel, gravassèr, encalhava e gondrona los camins de tèrra de l’arribèra, en au passatge eslargir l’empresa.
Tòques pas au Gave ! mes en aténer, los sentiments, los ressentits que son emmesclats.

En Ondas setm. 18 Votz Aure Seguier e Michaël Barret

26/04/2021 - Durée : 00:45:02

Per perseguir l’entertien dab Benaset Dazeas per Votz (Votz.eu) qu’encontram a Aure Seguier e Michaël Barret, dus obrèrs - au sens nòble deu tèrmi s'enten, tecnicians de tria, deu Congrès. Que hèn part de l’equipa creatora de l’aplicacion en linha de sintèsi vocau en occitan. Qu’evocam lo tribalh qui a necessitat e tanben utís per viéner de fonetizacion de la lenga entaus sites internet o de „plug-ins” per arrevirar automaticament o enténer quin se disen los sites internet, d’aplicacion d’utís comunautaris occitans o de comunautat de contributors que son a l’estúdi au Congrès.

per arretrobar Aure Seguièr dens En Ondas https://hadiu.eu/?s=Aure+Seguier
per arretrobar Michaël Barret dens En Ondas https://hadiu.eu/?s=Micha%C3%ABl+Barret

En Ondas setm. 17 Benaset Dazeas

19/04/2021 - Durée : 00:45:02

Purmèra de duas edicions d’En Ondas consagradas a Votz.eu en companhia de Benaset Dazeas, director deu Congrès permanent per la Lenga occitana (https://locongres.org/oc/).
Votz (http://votz.eu) qu’ei l’aplicacion en linha de sintèsi vocau en occitan. Qu’ei peu moment accessibla per duas varietats occitanas : gascon e lengadocian.

En Ondas setm. 16 Eric Fraj 2

12/04/2021 - Durée : 00:45:02

Que perseguim l’entertien dab Eric Fraj, artista cantaire, ensenhaire e cercaire.
Dens aquesta edicion que devisam d’escritura. La soa e la d’autors e d’autoras com Danièle Hoursiangou-Estebe, Joan Bodon o Joan Loís Viguièr.
Lo site oficiau de l’artista : qu’ac avetz entenut la soa discografia manca los dus darrèrs disques que s’i pòt escotar librament : lo site de l’artista : https://ericfraj.com/eric-fraj-parcours/ e la soscripcion per paréisher fin de 2021 https://ericfraj.com/oc/soscripcion-per-la-vida/.

En Ondas setm. 14 Joan-Ives Casanòva 2

05/04/2021 - Durée : 00:45:02

Qu’ac digom en la purmèra part de l’entervista que seré aqueste diari literari (que n’ei lo sos-títol) com un avertiment, un pamflet de la mediocritat, ua crida d’exigéncia, e las exasperacions d’un escrivan de tria. https://hadiu.eu/2021/04/05/en-ondas-setm-14-joan-ives-casanova-2/
"Desesperanças salutàrias = désespérances salutaires" un libe bilingüe a l’Aucèu Libre – qu’ei lo dusau qui publican de Joan-Ives Casanòva arron L‘eternitat estraviada. "Desesperanças salutàrias, diari literari" de Joan Ives Casanòva 211p. 14 euros. mailto:lauceulibre@gmail.com

L’escrivan maudit qu’ei lo qui ditz a maugrat la desesperança, qui’s vira de la lenga de bòis e deu politicament corrècte per indicar, tot com lo No ès aixo companys – lo «n’ei pas atau companh»s d’un Lluis Llach. Un libe de léger tots ahars cessats, solide. D’un pr’amor qu’ei plan escriut. Frasas longas on nse podem banhar, ritmadas per lo perpaus ramassat e percutent sovent, quan seré provocator...

En Ondas Extra : Gravèra a Cassabè, usina a calhaus a Sent Pèr (de Lèren)

29/03/2021 - Durée : 00:34:02

Exclusiu ! (a d'aquesta òra) : Deu Pont de Goat suu Saleis a Cassabè, lo 3 d'abriu, las entervistas d'Antoine Domenech (Salmo Sauvatèrra), Jean-Paul Dufau molièr a Sent Pèr de Lèren e Michel Rodes de la Sepanso e l'article circonstanciat de trobar sus https://hadiu.eu/2021/04/05/en-ondas-a-cassabe-usina-a-calhaus-ua-administracion-autista-au-servici-de-projectes-dun-aute-atge/. Usina a calhaus de Carressa e Cassabè : ua administracion autista au servici de projèctes d'un aute atge.

En Ondas setm. 13 Joan-Ives Casanòva Desesperanças salutàrias 1

22/03/2021 - Durée : 00:45:02

Que m’a hèit ben au-delà d’enténer la votz de Joan Ives Casanòva aqueth dia : la tienguda deu perpaus solide mes tanben la qualitat sonòra. Quina beròja e calorosa votz !
"Desesperanças salutàrias : diari literari = Désespérances salutaires : journal littéraire, Salinèlas : L'Aucèu Libre, 2021, 211p. 14€. mailto:lauceulibre@gmail.com
Prumèr de l’encontrar que destecam lo somari deus Reclams de Bearn e Gasconha n° 858 (100pp.) d’aqueste començar d’an singular !

En Ondas Setm. 12 L'erbularius de Marie Baudoin

15/03/2021 - Durée : 00:45:02

Marie Baudoin qu’ei ortalèra, estudianta en antropologia etnobotanica e especialista d’erboristeria.
Qu’a aviat un site internet qui a batiat L'Herbularius.
Ua idea de sortida indispensabla : http://herbularius.fr/
jardindherbularius@gmail.com +336 87 43 95 63

En Ondas setm. 11 Ulisses Azibèrt 2

08/03/2021 - Durée : 00:45:02

Entrem mei abans en l'escritura d'Ulisses Azibèrt a perpaus de "La nuèit, lo jorn", a Salinèlas L'Aucèu Libre, julh de 2020. Léger tanben la critica en "Le Matricule des Anges". L'editor L'Aucèu Libre qu'ei de contactar : sus Cara de boc o en Tuitejar L’Aucèu libre mailto:lauceulibre@gmail.com.

En Ondas setm. 10 Ulisses Azibèrt 1

01/03/2021 - Durée : 00:45:02

La nuèit, lo jorn = la nuit, le jour ; Salinelles : l’Aucèu libre, Julh de 2020, bilingüe, en cobèrta un detalh d’ua òbra Que Dieu est sublime de Samba Baldé pintor de Kolda au Senegau e ua illustracion color, fòto d’ua pintrura murau suu camin de Dakar-Mbour sus las grossèssas precòças, presa per l’autor au Senegau, 130 p. Un obratge que parla de l’incèste, deu secret, de la familha, de l’autoritat, deu non-consentament, de patriarcat consentit|subit e sustot d’impossibilitat au bonur e de sacamandejar. Qu’èi envejas de díser qu’ei aqueste tèxte ua Autabiografia e mei au plurau Autasbiografias, autò-ficcions escriutas per l’autor e las votz que pòrta, la sòr e la mair, los que davantejan e los apuish vaduts. Un liberòt pareishut abans lo batatge de La Familia Grande que Camille Kouchner a avut lo coratge d’escríver. Tot com Ulisses Azibèrt ac gausa ! Sus cara de boc o en tuitejar L'Aucèu libre mailto:lauceulibre@gmail.com

En Ondas setm. 09 Laurenç Labadie OcVod

22/02/2021 - Durée : 00:45:02

Que recebem a Laurenç Labadia per la platafòrma de filmes d’animacion, filmes, serias, e documentaris OcVod. https://www.ocvod.fr/oc/genre/dessenhs-animats/
Laurenç qu’ei artista, comedian, director artistic en teatre, musica, video e especializat dens lo doblatge en occitan dab Contà‘m.

En Ondas setm. 07 Michel Rodes : pro de la pesca hens l'Ador fluviau !

15/02/2021 - Durée : 00:45:01

Secretari de la Sepanso 64 Michel Rodes qu'ei lo noste convidat au parat de la conferéncia de premsa deu 8 deu heurèr de 2021 organizada, a Navarrencs suu Gave d'Auloron, per un quinzenat d'associacions qui n'an lo lor pro de la pesca a las engibanas e los hialat hens l'Ador fluviau.

En Ondas setm. 06 Frederic Fijac (2)

08/02/2021 - Durée : 00:45:02

Actualitat de Frederic Fijac, Setòrias, poèmas en version bilingua pareishuts a Salinèlas a l’Aucèu libre en mai de 2020.
Seta, pòrt mediterranèu esmiraglant: per pescar o mercandejar. Tèrra d’immigracion, d’escambis, sobac per refugiatse emigrants, dits pudicament migrants uei-lo-dia, despatriats economics o d’ideas, viatjants demandaires d'asile a "nosauts qui avem lo badge" com ac ditz Frederic Fijac : quin non pas reconeishe's dens la beutat d’escritura e d'umanitat d’aquestes poèmas !

• "Setòrias = Sétoises" : version francesa de l’autor. Salinèlas, L’Aucèu bibre, 2020. 78pp. 10 euros. Cobèrta Gaëtan Cabannes "Lèu tot s’escantís per jamai" (in "Sonet d’un poèta abans de s’anar negar" de Pau Froment).
https://www.facebook.com/lauceulibre/posts

Dens aquesta edicion un poèma legit "Post-scriptum" en occitan e en francés.

En Ondas setm. 05 Frederic Fijac (1)

01/02/2021 - Durée : 00:45:02

Que vos perpausam duas edicions d’„En Ondas” dab Frederic Fijac.
La soa actualitat qu’ei Setòrias, poèmas en version bilingua pareishuts a Salinèlas a l’Aucèu libre en mai de 2020. Que’n serà question mei abans, dens la dusau part d'entervista, la setmana per viéner.
En aquesta prumèra qu’aprenem a mei plan coneishé'u e que devisam solide de „Oc” la revista mitica que pren suenh, dab d’autes companhas e companhs, d’agergar e de caminar dab.

En Ondas setm. 04 Maria Joana Verny (2)

25/01/2021 - Durée : 00:45:01

Que devisam literatura occitana e escritura, lectura per tots.as en la companhia de Maria Joana Verny [part dusau].

En Ondas setm. 03 Maria Joana Verny 1

18/01/2021 - Durée : 00:45:01

Tant qu’i aurà espleitacion de l’òme per l’òme… serai una ex-catò que vòl convertir … e totjorn cocò ! Maria Joana Verny ensenhaira de lenga e literatura occitanas, agregada de letras, sindicalista a la FSU, militanta associativa a la Felco, militanta comunista e gavidaira, editora scientifica, cò-autora o facilitatora d’un haish d’obratges. Part prumèra !

En Ondas - setm. 02 Pierre Salles

11/01/2021 - Durée : 00:45:02

Le livre des Mots d’oc Pierre Salles, Pau : MonHélios, 2020, prefàcia Michel Feltin-Palas, 240pp. 18 €. Compren "éléments d’orthographe classique de l’occitan, table des prononciacions". Mots d’un amorós d'occitan : professor de mestièr e beròi pedagògue, doctor en lexicografia – fin coneishedor de mots e de noms, caçaire, pescaire, arpentor d’espaci a grans camadas com a tot dòi, menimosament e la nosta prumèra question qu’ei la de saber quin s'ac viu lo confinhament : https://www.monhelios.com
e mei actualitat revistaira

En Ondas setm. 15 Eric Fraj 1

01/01/1970 - Durée : 00:45:02

Que'vs perpausi ua capihona en entertien dab Eric Fraj, artista cantaire e cercaire 'incansable'. Installem-nse dens lo temps larg de las ideas e de la cançon occitanas contemporanèas en la soa companhia frairau.
"Cantaré" qu’ei un de las cantas emblematicas d'un repertòri hargat en batlèu cinquanta ans. "Marinièr" que n’ei ua auta : naulejar enter cantar e escotar, escríver e composar, ensenhar e perpensar, l’ací e l’alhors b’ei la faiçon qui a d’estar au monde Eric Fraj bahida !
Deus 14 ans e la carrèra Loís Liard a Bordèu, Eric Fraj, qu’ei uei rendut a tribalhar un doctorat a Tolosa sus la cançon occitana contemporanèa com a l’enregistrament d’un doble disc.
Arron d’estar regent, professor d’espanhòu e apuish de filosofia, en tot estar fidèu per la « vida » au cantar que’vs perpausam de descobrir l’artista.